bügün atatürk alemdin ötkenlikining 84 yilliq xatire küni
«erkinlik we musteqilliqning simwoli» élan qilinghan, bir milletni asarettin qutquzghan büyük rehber mustapa kamal atatürkning wapat bolghinigha 84 yil boldi.
türkiye awazi radiyosi xewiri: atatürk alemdin ötüshtin birqanche minut ilgiri, dolmabahche sariyining karidorida «qarang, bir dewr ötüp ketti ...» dégen söz yangrighan chaghda, 1938-yili 11-ayning 10-küni saet del 09:05 idi.
türkiye jumhuriyitining qurghuchisi mustapa kamal atatürk, 57 yilliq hayatida peqet türkiye xelqining musteqilliq urushigha (1919-1923 – yillar) muweppeqiyetlik rehberlik qilghan qomandan bolupla qalmay, inqilabliri bilenmu danishmen bir dölet erbabi süpitide tarix sehipisidin menggülük orun aldi.
türkiye jumhuriyitining qurghuchisi ghazi mustapa kamal atatürkning alemdin ötkenlikining 84 – yilliq xatire küni munasiwiti bilen, uning meqberesi jaylashqan atatürk xatire sariyida, jumhur reis rejep tayyip erdoghanning ishtirak qilishida resmiy murasim ötküzüldi.
erdoghan, atatürkning meqberisige aq – qizil güllerdin teshkil tapqan gülchembirek qoydi. atatürk buningdin 84 yil ilgiri alemdin ötken saet bolghan 9 din 5 miniut ötkende hörmette turuldi, arqidin «istiqlal marshi» oquldi.
jumhur reis erdoghan, atatürk xatire sariyining mexsus deptirige mundaq dep yazdi: «hörmetlik atatürk! millitimizning yüz yilliq ulughwar ghayilirini emelge ashurghangha qeder qetiy irade bilen algha bésip, bir izda toxtap qalmaymiz, hujumlar aldida yiqilmaymiz, kürishimizni qetiy irade bilen keskin dawamlashturimiz.»
atatürk, türkiyening herqaysi jayliridimu hörmet bilen xatirilendi. saet 9 din 5 minut ötkende, türkiye xelqi döletning herqaysi jaylirida bir minuutluq hörmette turdi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.