chawushoghlu girétsiyening ege aralliri siyasitini tenqid qildi

türkiye awazi radiyosi xewiri: ministir mewlüt chawushoghlu paytext enqerede ötküzülgen «türkiyening ege déngizi we sherqiy aqdéngizgha munasiwetlik tashqi siyasiti» témiliq muhakime yighinidiki sözide ege déngizidiki jiddiylik toghrisida toxtilip: «jawablirimiz girétsiyening oghisini qaynitiwetti. emeliyette, ular bizning qanuniy delillirimizdin qattiq biaram boldi». dédi.

u, türkiyening jawabliri netijiside afina teshwiqatlirining yimirilgenlikini körüshke bashlighanliqigha isharet qilip: «biz, bizni qirghaqlirimizgha qamap qoydighan <qiliwaldim>larni qetiy qobul qilmaymiz. girétsiyening hawa boshluqi teweliki teshebbusimu bashqa bir heyran qalarliq nuqta» dédi.

chawushoghlu, girétsiyening az sanliq milletlerning hoquqi we erkinlikige dexli-teruz qilghanliqini tilgha élip: «ular yawropa kishilik hoquq sotining qararlirini ijra qilmaywatidu» dégenlerni qeyt qildi.

u muhakime yighinidin kéyin muxbirlarning soallirigha jawab bérip: «ular türkiyege qarshi turushning némidin dérek béridighanliqini obdan bilidu» dédi.

ministir chawushoghlu, girétsiyediki amérika baziliri toghrisida toxtilip: «ular bularning rusiyege qarshi ikenlikini éytiwatidu, emma qayil qilarliq emes. amérikaning tarazisi we shinisi buzuldi. biz bularning girétsiyeni hel qilish charisidin yiraqlashturuwatqanliqini éyttuq» dédi.