chawushoghlu: erdoghan putin we zélénskiy bilen ashliq krizisini muzakirlishidu
tashqi ishlar ministiri mewlut chawushoghlu jumhur reis rejep tayyip erdoghanning rusiye pirézidénti wiladimir putin we ukraina pirézidénti wiladimir zélénskiy bilen ashliq krizisi heqqide muzakirlishidighanliqini élan qildi.
türkiye awazi radiyosi xewiri: ministir chawushoghlu paytext enqerede muxbirlargha ashliq krizisi toghruluq bayanat berdi.
chawushoghlu ashliq krizisini hel qilish üchün alaqilishish bashlanghanliqini, rusiye éksport qilghan ashliq we oghutning aldidiki tosalghularning yenila dawam qiliwatqanliqigha alaqidar türkiyeningmu birleshken döletler teshkilati bilen bu basquchni közitiwatqanliqini we tosalghularni tügitish üchün konkrét qedemlerning tashlinishi kéreklikini tekitlidi.
chawushoghlu: «biz türkiye bolush süpitimiz bilen tirishchanliqimizni dawamlashturimiz» dédi we jumhur reis erdoghanning rusiye pirézidénti putin we ukraina rehbiri zélénskiy bilen körüshidighanliqini uqturdi.
ministir chawushoghlu putinning türkiyede gaz merkizi qurush teklipi üstidimu toxtilip, «putinning gaz merkizi toghrisidiki teklipidin kéyin énérgiye ministirliri wezipige teyinlendi. hazir téxnika sewiyeside énérgiye ministirlirimiz otturisida xizmetler dawamlashmaqta. bolupmu yawropada qanchilik telep bar? tashqi ishlar ministirliqi bolush süpitimiz bilen bu mesilige töhpe qoshuwatimiz» dédi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
