erdoghan: tebiiy gaz bazisi qurushta saqlaydighan ish yoq

türkiye awazi radiyosi xewiri: türkiye jumhur reisi rejep tayyip erdoghan qazaqistan ziyaritini axirlashturup, memliketke qaytish sepiride ayropilanda muxbirlarning soallirigha jawab berdi.

u wladimir putinning «yawropa üchün türkiyede chong tebiiy gaz merkizi qurush mumkin. türkiye gaz bilen teminleshte yawropa ittipaqi üchün muhim nuqta» dégen sözliri üstide toxtaldi.

u mundaq dédi:

«bundaq tarqitish merkizige nisbeten, trakya eng muhim jay dep qariliwatidu. biz deslepte  énérgiye we tebiiy bayliqlar ministirliqimizgha we rusiyening munasiwetlik idarisigeputin bilen birlikte hemkarlishish yolyoruqini berduq. u yerde tekshürüsh élip bérilidu. tarqitish merkiziy eng muwapiq jayda qurulidu. bizning döletlik tarqitish merkizimiz bar, elwette bu xelqaraliq tarqitish merkizi bolidu. énérgiye we tebiiy bayliq ministirliqimiz we rusiye terep bizge doklatini sunidu, andin biz kéyinki qedemni tashlaymiz. saqlaydighan ish yoq. biz bügün qararni nahayiti tézla énérgiye we tebiiy bayliqlar ministirliqimizgha berduq. oxshashla rusiye gazprom shirkitining bashliqi millérmu yighinda idi we umu yolyoruqni tapshuruwaldi. emdi dostlirimiz özara körüshüp, xizmetlirini ishleshke bashlaydu. bixeterlik jehette her xil qedemlerni bésish bilen bille, bixeterlik némini telep qilsa, bixeterlik torimizni téz sürette qurup chiqidu. uninggha asasen xizmetlirimizni dawamlashturimiz.»