erdoghan chéxiyede ziyarette bolmaqta
dölitimiz (türkiye jumhuriyiti) jumhur reisi rejep tayyip erdoghan, chéxiyening paytexti piragada chaqirilghan yawropa siyasiy ortaq gewdisi yighini harpisida bir qisim döletlerning rehberliri bilen bir yerge jem boldi.
türkiye awazi radiyosi xewiri: yawropa siyasiy ortaq gewdisi yighini ötküzülidighan «piraga qelesi» ge barghan jumhur reis erdoghan, bu yerde ezerbeyjan pirézidénti ilham eliyéw, erméniye bash ministiri nikol pashinyan, wéngiriye bash ministiri wiktor orban we firansiye pirézidénti émmanuél makron bilen söhbetleshti.
erdoghan, makron bilen bolghan söhbiti esnasida uninggha, «türk döletliri teshkilatigha firansiyenimu ezaliqqa qobul qilayli» dédi.
jumhur reis erdoghan, kéyinche rehberler bilen xatire süretke chüshti.
jumhur reis erdoghan, yawropa ittipaqigha eza 27 dölettin sirt yene, yawropa ittipaqigha eza bolmighan 17 yawropa döliti teklip qilinghan yighinda, «tinchliq we bixeterlik» témiliq yumilaq üstel yighinlirigha qatnishidu؛ tinchliq we bixeterlik, énérgiye, kilimat özgirishi, iqtisadiy ehwal qatarliq nöwette yawropa duch kéliwatqan xirislargha dair türkiyening qarishi, töhpisi we tekliplirini otturigha qoyidu.
tashqi ishlar ministiri mewlüt chawushoghlumu hemrah boluwatqan erdoghanning, bezi rehberler bilen ikki tereplik uchrishishlarni élip bérishi mölcherlenmekte.
yawropa siyasiy ortaq gewdisi pikri, aldi bilen firansiye pirézidénti émmanuél makron teripidin may éyida otturigha qoyulghanidi.
yighinning, yawropa ittipaqining sirtida we yawropa miqyasida bir siyasiy munazire munbiri bolushi nishan qilinmaqta. yawropa ittipaqi rehberlikimu bu pikirni qollinmaqta.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
