türkiye heyiti liwiyege yétip bardi

türkiye awazi radiyosi xewiri: tashqi ishlar ministiri mewlüt chawushoghlu, énérgiye we tebiiy bayliqlar ministiri fatih dönmez, dölet mudapie ministiri xulusi aqar, soda ministiri mehmet mush, jumhur reislik mehkimisi uchur - alaqe ishliri idarisining bashliqi fahrettin altun we jumhur reislik mehkimisi bayanatchisi bash elchi ibrahim qalin qatarliqlardin teshkil tapqan türkiye heyiti, bir künlük dölet ishliri ziyaritide bolush üchün liwiyening paytexti trablusqa yétip bardi.

heyetning, liwiye pirézidént mehkimisining reisi yunus elmenfi, pirézidént mehkimisining muawin reisliri abdullah ellafi we musa elkewni, liwiye milliy birlik hökümiti bash ministiri abdulhamid dibeybe we liwiye döletlik  aliy kéngishining reisi xalid elmishri qatarliqlar bilen bir yerge jem bolushi, hemde heyet ezalirining kespdashliri bilen ayrim – ayrim uchrishishlarni élip bérishi kütülmekte.

ziyaret esnasida, liwiyede derhal saylam ötküzülüshi, bu dairide éhtiyajliq bolghan qanuniy ul eslihe xizmetlirining derhal ishlinishi, ikki terep munasiwetliri we 2019-yili liwiye bilen imzalanghan bixeterlik we herbiy hemkarliq, aqdéngizdining déngiz teweliki hoquq dairisini taraytish kélishim layihesi dairiside dawamlashturuluwatqan hemkarliq qatarliq mesililerning muzakire qilinishi kütülmekte.