erdoghan putin bilen téléfonlashti
dölitimiz (türkiye jumhuriyiti) jumhur reisi rejep tayyip erdoghan rusiye pirézidénti wiladimir putin bilen téléfonda körüshti.
türkiye awazi radiyosi xewiri: jumhur reislik mehkimisi uchur - alaqe ishliri idarisining bildürüshiche, ikki rehberning téléfon söhbitide, 24 – féwral küni bashlanghan rusiye – ukraina urushigha munasiwetlik özgirishler heqqide muzakire élip bérilghan.
jumhur reis erdoghan, téléfon söhbitide, uzun muddet xizmet ishlesh netijiside rusiye – ukraina otturisida esir almashturulushining muweppeqiyetlik halda tamamlanghanliqidin intayin xursen ikenlikini qeyt qilghan.
noyabir éyida toshidighan mixanizmning mudditini uzartishining hemme terepke paydiliq ikenlikini bayan qilghan jumhur reis erdoghan, rusiyening oghuti we ashliq mehsulatlirini üzüldürmey éksport qilish xizmitini ishlewatqanliqlirini tekitligen.
erdoghan, téximu ijabiy özgirishlerge yol échish üchün jiddiychilikni peseytish qedemlirini tashlashqa éhtiyaj barliqini, moskwadinmu ukrainadiki bir qisim rayonlarning rusiyege tewe bolushi mesilisini öz ichige alghan bu basquchni qolaylashturidighan qedemlerni tashlishini kütüwatqanliqlirini eskertken.
rusiye pirézidénti wiladimir putindin, muzakirilerge yene bir qétim purset bérishini telep qilghan jumhur reis erdoghan, bu basquchta qulayliq yaratquchi rolini jari qildurushqa teyyar ikenliklirini qeyt qilghan.
kirémil sariyi teripidin bu heqte élan qilinghan bayanatta, ikki dölet otturisidiki soda – iqtisadiy munasiwetlerning uchqandek tereqqiy qiliwatqanliqi, soda omumiy sommisining közge körünerlik derijide ashqanliqi eskertilgen, hemde rusiyening, türkiyege tebiiy gaz yötkesh we «<aqquyu> yadro éléktir istansisi» qurulushinimu öz ichige alghan énérgiye saheside hemkarliq ornitishqa ijabiy qaraydighanliqi tekitlengen.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
