türkiye ukraina we rusiye oghutlirini xelqara bazargha yetküzüsh üchün tirishmaqta

türkiye awazi radiyosi xewiri:tashqi ishlar ministiri mewlüt chawushoghlu dénizlide (déngizli) her qaysi ijtimaiy teshkilatlarning rehberliri bilen körüshti we tashqi siyasettiki özgirishler toghrisida melumat berdi.

u türkiyening dunyadiki her qaysi jaylarda tengpung tashqi siyaset yürgüzüwatqanliqini, bolupmu yémek-ichmek kiriziside muhim rol oynighanliqini؛ buni ötken heptidiki b d t omumiy kéngishi yighinida körgenliklirini tekitlidi.

u: «ashliq yötkesh kélishimi, bizning ikki terep bilen bolghan tengpung we yaxshi munasiwetlirimizning netijisi hésablinidu. nahayiti epsuski b d t we bashqa xelqaraliq teshkilatlar öz aldigha bularni emelge ashuralaydighan küchke ige emes» dédi.

u türkiyening yéqinda ukraina bilen rusiyening özara esir almashturushining emelge éshishigha küch chiqarghanliqlirini xatirilitip: «emdi bolsa, pütkül dunya éhtiyajliq bolghan oghutlarni, hem rusiye hemde ukraina oghutlirini xelqara bazarlargha we éhtiyajliq bolghan döletlerge yetküzüshte tirishchanliq körsitiwatimiz» dédi.

u türkiyening xelqaraliq tüzümde juhmur reis rejep tayyip erdoghanning rehberlikide oynighan roli netijiside, gépi ötidighan, mesililerning hel qilinishigha hesse qoshidighan we her qandaq mesile körülgende «türkiyening paydisi bolidu» déyilidighan bir döletke aylanghanliqini qeyt qildi.