mersindiki térrorluq hujumida bir saqchi shéhit boldi

türkiye awazi radiyosi xewiri:ichki ishlar ministiri süleyman soylu mersinge bérip, hujumgha uchrighan saqchilar méhmanxanisidiki saqchi we ishchi- xizmetchilerdin hal soridi, hemde mesullardin melumat aldi.

u bölgünchi térrorluq teshkilati p k k ning hujumida bir saqchining shéhit bolghanliqini, bir saqchining yarilanghanliqini bildürdi.

bu jeryanda, ichki ishlar ministirliqi mersindiki saqchilar méhmanxanisigha hujum qilghanlarning birining bölgüchi térrorluq teshkilati p k k gha eza, kod ismi zozan tolan bolghan dilshah erjan ikenlikini élan qildi.

bayanatta, tünügün (2022-yili 26-séntebir) mersinning mezitli nahiyesidiki saqchilar méhmanxanisigha enqere waqti 22.45 te ikki ayal térroristning hujum qilghanliqini we bu ikki térroristning bir terep qilinghanliqi xatirilitildi.

tünügün kéche mersin saqchilar méhmanxanisigha yéqinlashqan bir aptomobildin chüshken kishilerning saqchilargha yiraq musapiliq qorallardin oq chiqarghan؛ saqchilar buninggha qarshiliq bildürgen idi.