erdoghan: erméniyening tajawuzchiliq pozitsiyesining netijiliri bolidu
dölitimiz (türkiye jumhuriyiti) jumhur reisi rejep tayyip erdoghan erméniyening tajawuzchiliq pozitsiyesining choqum netijiliri bolidighanliqini éytti.
türkiye awazi radiyosi xewiri: jumhur reis erdoghan, paytext enqerede échilishini ishqa kirishtürgen bir murasimda qilghan sözide, dost we qérindash dölet ezerbeyjanning weten zéminlirini qoghdash yolida élip bériwatqan kürishi heqqide toxtaldi, hemde bu küresh dawamida hayatidin ayrilghan shéhitlargha allah taaladin rehmet tilep mundaq dédi: «erméniyening, ezerbeyjanning zepiri bilen netijilengen urush (2020 – yilqi 2 – qarabagh urushi) tin kéyin hasil qilinghan kélishimge xilapliq qilishi netijiside otturigha chiqqan bu sürkilishni qobul qilalmaymiz. herdaimqigha oxshashla bu özgirish aldidimu ezerbeyjanliq qérindashlirimizni qollaydighanliqimizni pütkül dunya bilishi kérek. erméniye, qarabagh urushidin kéyin tüzülgen kélishimning belgilimilirige riaye qilmighinidek, hemishe tajawuzchiliq pozitsiyesini dawamlashturmaqta, erméniyening bu pozitsiyesining choqum netijiliri bolidu. erméniyening bu xata yoldin derhal qaytishi, kélishimning belgilimilirige téz riaye qilishi, waqtini we küchini tinchliqni kücheytish yönilishide serp qilishini ümid qilimiz.»
