haqqarida «eren qamal qilish – 37» herbiy herikiti bashlandi

türkiye awazi radiyosi xewiri: türkiye jumhuriyiti ichki ishlar ministirliqining bildürüshiche, bölgünchi térrorluq teshkilati p k k ni döletning küntertipidin pütünley chiqiriwétish we rayonda yoshurunuwalghan térrorchilarni bir terep qilish meqsitide, haqqarining qazan wadisi we xan yayliqi rayonida, bölgünchi térrorluq teshkilati p k k gha qarshi «eren qamal qilish – 37» herbiy herikiti bashlanghan.

bayanatta tekitlinishiche, 610 xadim qatnashqan herbiy heriketning birinchi küni, chuqurja nahiyesining qazan wadisi we xan yayliqi rayonida, bölgünchi térrorluq teshkilati p k k ning asasliq qoral - yaragh we oq - dora iskilati tépilghan.

asasliq qoral - yaragh we oq - dora iskilatini tekshürüsh dawamida, köp sanda qol bombisi, qoral – yaragh, oq - dora we turmush buyumliri qolgha chüshürülgen؛ ghar, panah jay we iskilat yer bilen yeksan qiliwétilgen.