chawushoghlu ezerbeyjangha teziye bildürdi
dölitimiz (türkiye jumhuriyiti) tashqi ishlar ministiri mewlüt chawushoghlu ezerbeyjan – erméniye chégra liniyeside yüz bergen toqunushlarda shéhit bolghan ezerbeyjan eskerliri üchün teziye bayanati élan qildi.
türkiye awazi radiyosi xewiri: chawushoghlu, ammiwi ortaqlishish tor béti Twitter sehipiside élan qilghan bayanatida, ezerbeyjan – erméniye chégra liniyeside yüz bergen toqunushlarda shéhit bolghan ezerbeyjan armiyesining qehriman eskerlirige allah taaladin rehmet, ularning yéqin – yoruqlirigha sewr – taqet tilidi we qérindash dölet ezerbeyjan xelqige teziye bildürdi.
ministir chawushoghlu, mundaq dédi: «türkiye herdaim janjiger dölet ezerbeyjanning yénida.»
ezerbeyjan dölet mudapie ministirliqi teripidin élan qilinghan bayanatta, 12 – séntebir kéchisi we 13 – séntebir etigen tereplerde erméniye armiyesining ezerbeyjan bilen chégradash bolghan dashkesen, kelbejer, lachin we zengilan yönilishliride keng dairilik ighwagerchilik heriketlirini élip barghanliqini, bu jeryanda ezerbeyjan armiyesidin 50 eskerning shéhit bolghanliqini bildürgenidi.
