«erdoghanning ziyaritining muhim küntertip madisini bosniye – gértségowina teshkil qilidu»
tashqi ishlar ministiri mewlüt chawushoghlu türkiye jumhur reisi rejep tayyip erdoghanning kéler hepte balqan rayonigha qilidighan ziyaritining eng muhim kentertip maddisini bosniye – gértségowinadiki kirizis teshkil qilidighanliqini éytti.
türkiye awazi radiyosi xewiri: chawushoghlu, sérbiyening paytexti bélgradta chaqirilghan «ochuq balqan rayoni teshebbusi» yighinigha qatnashti, hemde bu yerde qilghan sözide, jumhur reis rejep tayyip erdoghanning aldimizdiki hepte bosniye – gértségowina, sérbiye we kosowoda ziyarette bolidighanliqini tekitlep mundaq dédi: «bosniye – gértségowinaning nöwettiki weziyiti küntertipimizning eng béshida bolidu. biz bu rayonda bashqa herqandaq bir toqunushning yüz bérishige yol qoymaymiz.»
türkiyening balqan rayonning bir parisi ikenlikini we buningdin ieptixarlinidighanliqlirini eskertken ministir chawushoghlu, mundaq dep körsetti: «balqan rayoni öz teqdirini özi belgilishi kérek. yene bir qétim kéngiyish üchün barliq tosalghularni pachaqlap tashlishimiz lazim. herdaimqigha oxshashla balqan rayonining we öz rayonlirimizning parawanliqi üchün her türlük paaliyetni qollaymiz. <ochuq balqan rayoni teshebbusi> gha her sahede muweppeqiyet tileymen.»
yene bir tereptin, ikki tereplik uchrishishliri dairiside qarabagh bash ministiri dritan abazowich bilen bir yerge jem bolghan chawushoghlu, kéyinche wéngiriye tashqi ishlar ministiri pétér szijjarto we sérbiye diplomatiye ministiri nikola sélakowich bilenmu ayrim – ayrim körüshti.
chawushoghlu, tünügün kechlik tamaq ziyapitidimu sérbiye pirézidénti aléksandar wujich teripidin qobul qilinghanidi.
