soylu bilen qurum pakistanda
türkiye jumhuriyiti ichki ishlar ministiri sulayman soylu bilen muhit asrash we sheherchilik ishliri ministiri murat qurum pakistangha yétip bardi.
türkiye awazi radiyosi xewiri: jumhur reis rejep tayyip erdoghanning yolyoruqigha asasen pakistangha yétip barghan ichki ishlar ministiri sulayman soylu bilen muhit asrash we sheherchilik ishliri ministiri murat qurumni, islamabad xelqara ayrodurumida, pakistan ichki ishlar ministiri rana sana ullah xan, kilimat özgirishi ishliri ministiri shérri raxman, pilan, tereqqiyat we islahat ministiri éhsan iqbal qizghin qarshi aldi.
soylu, bu yerde qilghan sözide, jumhur reis erdoghanning köngli we duasining hemishe pakistan bilen bille ikenlikini tekitlep mundaq dédi: «bügün 90 ming jamede mubarek jüme künide hem pakistanliq qérindashlirimiz üchün dua qilinidu, hemde yardem telep qilinidu.»
pakistangha hazirghiche 11 ayropilan bilen chédir, yémek – ichmek we dora matériyalliri yardem qilinghanliqini qeyt qilghan soylu, 2 – xeyr – saxawet poyizining 5 – 6 kün ichide rayonda bolidighanliqini eskertip mundaq dédi: «herdaim pakistanliq qérindashlirimizni qollashni dawamlashturimiz. taki pakistanliq qérindashlirimiz <emdi toxtanglar> dégenge qeder hem yardem köwrüki bilen, hem xeyr – saxawet poyizi bilen, hemde hawadin yardemlirimiz üzlüksiz dawamlishidu.»
