ashliq bésilghan üch paraxot ukraina portliridin qozghaldi

türkiye awazi radiyosi xewiri: türkiye dölet mudapie ministirliqi ukraina portliridin yene ashliq bésilghan üch paraxotning yolgha chiqqanliqi toghrisida bayanat élan qildi.

bayanatta mundaq déyildi:

«ashliq yötkesh kélishimi ramkisida, bügün etigen (2022-yili 25-awghust) ukrainaning odéssa portidin ashliq bésilghan ikki paraxot, piwdényi portidin bir paraxot bolup, jemiy üch paraxot yolgha chiqti. bügün ukrainadin kelgen bir paraxot bilen ukrainagha baridighan besh paraxot tekshürülidu.»

qara déngizdin bixeter ashliq yötkeshni kapaletke ige qilish üchün 22-iyul (2022) istanbul dolmabahche sariyidiki jumhur reislik ishxanisida, rejep tayyip erdoghan bilen b d t bash katipi antoniyo gutérsning huzurida, ukraina we rusiye bilen «istanbul ashliq yötkesh kélishimi» imzalanghan idi.

qara déngizdin ashliq mehsulatlirini bixeter yötkesh üchün qurulghan birleshme kordinatsiye merkizi, 27-iyul (2022) istanbuldiki dölet mudapie uniwérstétida xizmetke kirishtürülgen idi.