shentop ukrainagha tebrik télégrammisi yollidi

türkiye awazi radiyosi xewiri: türkiye büyük millet mejlisi bashliqi mustafa shentop ukrainaning musteqilliq küni munasiwiti bilen, parlamént bashliqi ruslan stéfanchukqa tebrik télégrammisi yollidi.

u ukrainaning musteqilliq künini shexsiy we türkiye büyük millet mejlisining barliq ezaliri namidin tebriklep: «ortaq tarixiy we medeniyet rishtilirimiz bolghan ukraina bilen munasiwetlirimiz dawamliq kücheymekte. bu jeryanda, parlaméntlar otturisidiki küchlük hemkarliqning munasiwetlirimizni tereqqiy qildurush süritini tézleshtürüshi intayin muhim. türkiye her qaysi xelqaraliq munberlerde ukrainaning siyasiy birliki, igilik hoquqi we zémin pütünlükini dawamliq qollaydu. bu wesile bilen, sizge we ukraina parlaméntining qimmetlik ezalirigha salametlik hemde muweppeqiyet tileymen» dédi.