erdoghan: paytexti quddus bolghan pelestin dölitining qurulushi zörür

türkiye awazi radiyosi xewiri: jumhur reis rejep tayyip erdoghan 22-awghust (2022) paytext enqerege kelgen pelestin dölet reisi mehmut abbasni tünügün (23-awghust) jumhur reislik sariyida resmiy murasim bilen kütüwaldi. ikki rehber körüshüshtin kéyin, axbarat élan qilish yighini ötküzdi.

rejep tayyip erdoghan: «quddus we mesjidi eqsaning salahiyitini özgertishni meqset qilghan her qandaq heriketni hergiz qobul qilmaymiz. sezgürlüklirimizni isirailiyediki munasiwetlik tereplerge yetküzduq. isirailiye bilen bolghan munasiwetlirimizde bésilghan qedemler, pelestin dewasigha bolghan qollishimizni hergizmu azaytmaydu. b d t pirinsipliri asasida 1967-yili belgilengen chégralarda paytexti quddus bolghan musteqil pelestin döliti qurulushining, pütkül rayonimizning tinchliqi we muqimliqi üchün zörür ikenlikini yene bir qétim tekitleymen» dédi.

pelestin dölet reisi mehmut abbas: «jumhur reis rejep tayyip erdoghangha, pelestin xelqini qollighanliqi we özgermes meydani sewebidin chin könglümdin rehmet éytimen. körüshüshimizde, erdoghan bilen rayon we dunya mesililiri, türkiyening dunya yémek-ichmek bixeterliki jehette oynighan rolini muzakire qilduq. buningdin bashqa türkiyening muqimliqini kapaletke ige qilish we ikki dölet munasiwetlirining kélechikinimu muzakire qilduq» dédi.