izmirda onlarche köchmen qutquzuwélindi
türkiye jumhuriyiti déngiz qirghiqi muhapizet etriti izmirda onlarche chet ellik köchmenni qutquzuwaldi.
türkiye awazi radiyosi xewiri: türkiye jumhuriyiti déngiz qirghiqi muhapizet etriti izmirning urla nahiyeside qutquzush herikiti élip bérip, girétsiye déngiz qirghiqi muhapizet etriti teripidin türkiye déngiz tewelikige qaytishqa mejburlanghan 146 neper tertipsiz köchmenni qutquzuwaldi.
türkiye jumhuriyiti déngiz qirghiqi muhapizet etriti bayanat élan qilip, urla nahiyeside bir qatar qutquzush heriketlirining ijra qilinghanghanliqini؛ nahiye déngiz tewelikide girétsiye déngiz qirghiqi muhapizet etriti teripidin türkiye terepke qaytishqa mejburlanghan 44 köchmen bilen, kamér kémisidin kashila chiqip déngizda leylep qalghan 52 köchmenning qutuldurulup quruqluqqa chiqirilghanliqini uqturdi.
buningdin bashqa, chilga wadisida yardem telep qilghan üch tertipsiz köchmen bilen déngiz qirghiqi muhapizet etriti tik uchar ayropilani uzunada qapsilip qalghanliqini bayqighan 47 neper köchmen qutquzuwélindi.
köchmenler resmiyetliri tamamlanghandin kéyin wilayetlik köchmenler idarisigha ötküzüp bérildi.
