bozdagh: shiwétsiye bilen finlandiye teleplirimizge téxiche jawab qayturmidi

türkiye awazi radiyosi xewiri: türkiye jumhuriyiti edliye ministiri bekir bozdagh bir gézitning küntertipke munasiwetlik soallirigha jawab bérip, shiwétsiye bilen finlandiyening shimaliy atlantik ehdi teshkilati — natogha qobul qilinishi üchün türkiyege bergen wedisni téxi orundimighaliqini, 33 térrorchini qayturup bérish mesiliside héchqandaq ilgirilesh yoqluqini otturigha qoyup: «türkiyening 33 térrorchining qayturup bérilishige munasiwetlik bir telipi ilgirila bar idi. biz bu teleplerning bezilirini yéngiliduq we yéngilanghan qismini ulargha yetküzduq, emma hazirghiche héchqandaq resmiy jawabqa érishelmiduq. shunga, biz shiwétsiye we finlandiye hökümetlirini yéqindin közitimiz, wedilirige emel qilsa, yaxshi bolidu. shiwétsiye, finlandiye, gérmaniye, firansiye qatarliqlarning hemmisi p k k we fethullahchi térrorluq teshkilatining uwisi. bir tereptin, ular térrorchilarning barliq paaliyetlirini saqchilarning nazariti we kontrolluqida bixeter élip bérishigha yol qoyidu, yene bir tereptin, térorchilarning adem toplishgha, terbiyelishige köz yumidu. bashqa bir tereptin, ulargha qorallarni öz ichige alghan nurghun yardemlerni qilidu. eger shiwétsiye bilen finlandiye hökümetliri natogha eza bolushigha munasiwetlik bergen wedilirini orundisa, türkiye munasiwetlik jeryanning tamamlinishi üchün wediside turup, zörür qedemlerni tashlaydu. eger wediside turmisa, türkiye yene bu jehette bergen wedisini emelge ashurüp, zörür qedemlerni tashlimaydu» dédi.