chawushoghlu kambodzhada lawrow bilen körüshti
diplomatiye ministiri mewlüt chawushoghlu kambodzhada ikki tereplik uchrishishliri dairiside rusiye tashqi ishlar ministiri sérgéy lawrow bilen bir yerge jem boldi.
türkiye awazi radiyosi xewiri: ministir chawushoghlu, ammiwi ortaqlishish tor béti Twitter sehipiside, bu heqte élan qilghan bayanatida, mundaq dédi: «kambodzhadin ayrilishtin burun rusiye tashqi ishlar ministiri sérgéy lawrow bilen körüshtüm. uchrishishta, ukraina ashliqini bixeter halda yötkesh mesilisi we rayonluq özgirishler heqqide muzakire élip barduq.»
chawushoghlu, lawrowdin burun xitay tashqi ishlar ministiri wang yi bilen bir yerge jem bolghan, hemde ammiwi ortaqlishish tor béti Twitter sehipiside, bu heqte élan qilghan bayanatida, mundaq déyigenidi: «xitay tashqi ishlar ministiri wang yi bilen élip barghan uchrishishimizda, ikki terep munasiwetlirimiz, rayonluq we xelqaraliq özgirishler heqqide söhbet ötküzduq. uyghur türklirige qarita sezgür ikenlikimizni xitay terepke yetküzduq.»
ministir chawushoghlu, buningdin burunmu, kambodzha ziyariti dairiside, aldi bilen, qatar tashqi ishlar ministiri muhemmed bin abdurrahman al sani, yéngi zélandiye tashqi ishlar ministiri nananiya mahuta, kambodzha musulmanlar ishlirigha mesul ministiri osman hessan, brunéy darussalam tashqi ishlar ministiri ériwan yüsüf we sirilanka tashqi ishlar ministiri eli sabri bilenmu ayrim – ayrim körüshkenidi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
