istanbulda birleshme kordinatsiye merkizi resmiy quruldi

türkiye awazi radiyosi xewiri: türkiye dölet mudapie ministiri hulusi akar birleshme kordinatsiye merkizining échilishida söz qildi.

u: «xizmetlirimizning pütkül dunyagha tesir körsitiwatqan kirizisning hel qilinishi, bolupmu ashliq bahalirining töwenlishige muhim hessilerni qoshidighanliqimizgha ishinimiz. 25 milyon tonna ashliqning bixeter yötkilishi üchün karidor intayin muhim» dédi.

u qurulghan birleshme kordinatsiye merkizi wezipisining, ukrainadin éksport qilinidighan ashliq we yémek-ichmek mehsulatlirining odésa, chérnomorsk we yuzni portliridin bixeter halda déngiz arqiliq yötkeshni kapaletke ige qilish ikenlikini tekitlidi.

u: «merkez herbiy we hökümet xadimliridin teshkil qilinidu. türkiye, rusiye, ukraina we b d t din her biridin beshtin wekil bolidu. herbiy organ bolmaydu. ukraina portliridiki ashliq bésish bilen türkiyediki portlargha kélishte muwapiq körülidighan nuqtilarda, birleshme merkezning tekshürüsh etretliri paraxotlarni kontrol qilidu. mina tazilash éhtiyaji tughulsa tereplerning qoshulushi bilen pilan qilinidu. biraq, bu basquchta éhtiyaj yoq» dédi.

u birleshme kordinatsiye merkizining ashliq kirizisidin bashqa, afriqadin yawropa we türkiyege kélishi mumkin bolghan köchning aldini élish mesilisini hel qilishqimu hesse qoshidighanliqini qeyt qildi.