erdoghan: « büyük we qudretlik yéngi türkiyening qurulushini qetiylik bilen dawamlashturimiz»
jumhur reis rejep tayyip erdoghan: «dölitimizning qayta 15-iyulgha oxshash musibetlerge uchrimasliqi we millitimizning qayta asaret tehditige duch kelmesliki üchün büyük we qudretlik yéngi türkiyening qurulushini qetiylik bilen dawamlashturimiz» dédi.
türkiye awazi radiyosi xewiri: jumhur reis erdoghan istanbulda ötküzülgen «15-iyul démokratiye we milliy ittipaqliq künini xatirilesh programmisi» da nutuq sözlidi.
erdoghan 15 – iyulning xelqlning tarixida esirler boyi untulmaydighan we ewladmu ewlad tildin tilgha köchidighan dastandek bir burulush nuqtisi bolghanliqini eskertip, bu milletning 15 - iyulda kün pétishi bilen bashlanghan siyasiy özgirish urunishini qelbidiki imandin alghan küch bilen etigen seher qoyashning chiqishigha egiship meghlub qilish arqiliq bir dastan yazghanliqini éytti.
jumhur reis erdoghan sözini dawamlashturup yene mundaq dédi:
«texminen ikki esirdin béri ornidin des turushqa térishqan her bir peytte, bu milletni urush, buzghunchiliq, siyasiy özgirish, hakimmutleqliq, térorluq, siyasiy muqimsizliq, iqtisadiy krizis we ijtimaiy toqunushlar bilen tiz püktürgenler allahqa shükürler bolsunki, bu qétim meghlub boldi. oxshimighan dewrlerde oxshashmighan niqablar bilen sehnige qoyulghan mexpiy oyun 15 – iyul kéchisi millitimizning imangha tolghan kökrikige soqulup yer bilen yeksan boldi. dölitimizning qayta 15-iyulgha oxshash musibetlerge uchrimasliqi we millitimizning qayta asaret tehditige duch kelmesliki üchün büyük we qudretlik yéngi türkiyening qurulushini qetiylik bilen dawamlashturimiz»
