iraqning shimalida térrorchilargha ejellik zerbe bérildi
iraqning shimalidiki qendil rayonida ghargha kirishke urunghan 2 térrorchi, qoralliq uchquchisiz hawa apparatining wasitisi arqiliq bir terep qilindi.
türkiye awazi radiyosi xewiri: dölet mudapie ministirliqining bildürüshiche, qoralliq uchquchisiz hawa apparatliri arqiliq her daim kontrol astida tutuluwatqan chégra liniyesidiki paaliyetler dairiside, iraqning shimalidiki qendil rayonida ghargha qarap heriket qiliwatqan 2 térrorchi éniqlap chiqilghan.
qoralliq uchquchisiz hawa apparatliri teripidin iz qoghlap teqib qilinghan térrorchilar, ghargha kirmekchi bolghanda bir terep qilinghan.
iraqning shimalidiki «penje – qulup» herbiy herikiti rayonidimu bölgünchi térrorluq teshkilati p k k mensubi 3 térrorchi bir terep qilindi.
türkiye jumhuriyiti dölet mudapie ministirliqining ammiwi ortaqlishish tor béti Twitter sehipiside, bu heqte élan qilinghan bayanatida, mundaq déyildi: «térrorizmgha qarshi küresh izchil we keskin dawamlashmaqta. iraqning shimalida muweppeqiyetlik dawamlishiwatqan ‹penje – qulup› herbiy herikiti rayonida, bölgünchi térrorluq teshkilati p k k mensubi 3 térrorchi bir terep qilindi. qehriman qisimlirimiz, térrorchilarning uwilirini yer bilen yeksan qiliwétishni qetiy irade bilen keskin dawamlashturidu.»