erdoghan abbas bilen téléfonlashti
jumhur reis rejep tayyip erdoghan tünügün pelestin pirézidénti mehmud abbas bilen téléfonlashti.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi bayanat bérip, jumhur reis erdoghanning qurban héyt munasiwiti bilen pelestin dölet reisi mehmud abbas bilen téléfonlashqanliqini, söhbet jeryanida, türkiye – pelestin munasiwiti we rayon weziyitige alaqidar mesililer toghrisida pikir almashturulghanliqini uqturdi.
jumhur reis erdoghan mubarek qurban héytning pelestin, rayon döletliri we pütkül islam dunyasida yaxshi ishlarning royapqa chiqishigha wasite bolushini, tinchliq, xatirjemlik we saghlamliq élip kélishini tilidi.
jumhur reis erdoghan, pelestinlikler ara birlik we ittipaqliqning muhimliqini tekitlep, özining bashqa mesililerdikige oxshashla bu mesilinimu toluq qollashqa teyyar ikenlikini tilgha élip ötti.
