türkiye yemendiki her qaysi tereplerning urush toxtitish wedisini jezmleshtürüshige yuqiri baha berdi
türkiye, yemendiki her qaysi tereplerning iyordaniyede ötküzülgen herbiy ishlar maslashturush komitéti yighinida, ramizan éyida élan qilinghan urush toxtitishqa munasiwetlik wedining jezmleshtürülgen bolushidin xushalliq hés qilghanliqini bildürdi.
türkiye awazi radiyosi xewiri: türkiye jumhuriyiti tashqi ishlar ministirliqi bayanat élan qilip, «biz, yemendiki her qaysi tereplerning ommanda ötküzülgen herbiy ishlar maslashturush komitéti yighinida, ramizan éyida birleshken döletler teshkilati rehberlikide élan qilinghan urush toxtitish wedisining qayta tekitlengenlikini qarshi alimiz. bu dairide, dölet miqyasidiki bezi yollarning échilishigha, yemende dawamlishiwatqan insaniy kirizisni hel qilish yolida tashlanghan muhim bir qedem dep baha bérimiz.» dégenlerni qeyt qildi.
türkiyening hazirghiche qandaq bolup kelgen bolsa, buningdin kéyinmu yemendiki her qaysi tereplerning diyalog ornitish tirishchanliqini shundaq qollaydighanliqi we yemen xelqi bilen bolghan hemkarliqni dawamlashturidighanliqi tekitlengen bayanatta, «terepler otturisidiki bu söhbetning menggülük urush toxtitishning kapaletke ige qilinishigha we ixtilaplarning b d t xewpsizlik kéngishining qararliri we békitilgen xelqaraliq paramétirlar dairiside hel qilinishini küchke ige qilidighan bir siyasiy musapige töhpe qoshushini ümid qilimiz»dégen ibarilerge orun bérildi.
