shentop besh dölettiki mensepdashlirining héytini tebriklidi
türkiye büyük milliy mejlisi (parlaménti) reisi mustapa shentop qurban héyt munasiwiti bilen 5 döletning parlamént we kéngesh palata bashliqliri bilen téléfonlashti.
türkiye awazi radiyosi xewiri: shentop, özbékistan qanun chiqirish mejlisi bashliqi nurdinjan ismailof, özbékistan kéngesh palatasi reisi tanzila narbayéwa, ereb birleshme xelipiliki fédératsiye milliy kéngishi reisi seqr ghobash, malayshiya awam palatasi bashliqi tan sri azhar azizan harun, qazaqistan parlaménti bashliqi yerlan koshanof we shimaliy makédoniye parlaménti bashliqi talat jaferi qatarliqlar bilen téléfonlashti.
xizmetdashliri we ularning xelqlirining héytini tebrikligen shentop, qurban héytning islam dunyasi we pütkül insaniyet üchün saghlamliq, bext-saadet, tinchliq we xatirjemlik élip kélishini tilidi.
téléfon söhbetliride, özara héyt tebriklishishlerdin bashqa, ikki tereplik munasiwetler, rayon we xelqaraning yéqinqi weziyiti toghrisidimu pikir almashturuldi.
