erdoghan: bizning girétsiye bilen urush qilayli deydighan bir derdimiz yoq

türkiye awazi radiyosi xewiri: erdoghan istanbulda küntertiptiki mesililer toghrisida bayanat berdi؛ u türkiye bilen girétsiye otturisidiki jiddiychilik heqqide toxtilip, «bizning girétsiye bilen urush qilayli, deydighan bir derdimiz yoq, emma, ular wedisini emelge ashurmaywatidu. mesile mana bu yerde. ular 147 qétim hawa tewelikimizge qanunsiz kirdi, eger biz qoshna bolsaq, dost bolsaq, undaqta hawa boshluqimizgha némishqa dexli qilisiler. bundaq qilsanglar, bizning qilidighinimiz hawa armiyemizning buninggha jawab qayturushidur. eger girétsiye (bu qilmishini) dawamlashtursa, bizmu öz mesuliyitimizni ada qilimiz» dédi.

jumhur reis erdoghan qara déngizda échilishi pilanliniwatqan ashliq karidori toghrisida bolsa, «dostlirimiz (rusiye pirézidénti wiladimir) putin ependi bilen (ukraina pirézidénti wiladimir) zélénski ependi söhbetlishidu. biz wasitichilik rolini oynap bughday, arpa we aptapperesni qisinchiliqqa duch kelgen döletlerge ewetimiz. 20 etrapida paraxotimiz u yerde her qandaq waqitta yolgha chiqishqa teyyar halette turmaqta» dégenlerni qeyt qildi.