erdoghan baydin bilen téléfonlashti
jumhur reis rejep tayyip erdoghan amérika pirézidénti jo baydin bilen téléfonlashti.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi bayanat élan qilip, jumhur reis erdoghan bilen pirézidént jo baydinning téléfonliship, türkiye-amérika munasiwiti we rayonluq mesililer toghrisida sözleshkenlikini uqturdi.
ikki rehber yene, ispaniyening paytexti madridta ötküzülmekchi bolghan shimaliy atlantik ehdi teshkilati — nato dölet we hökümet bashliqliri yighinidin ilgiri, yighinning küntertipi toghrisidimu pikir almashturdi.
erdoghan madridqa qarap yolgha chiqishtin burun ayrodurumda bayanat bérip, özining bügün etigen amérika pirézidénti bilen téléfonlashqanliqini, baydinning bügün kechte yaki ete qayta körüshüshni xalaydighanliqini bildürgenlikini, özining «bolidu» dep jawab bergenlikini éytqanidi.
aqsaray teripidin élan qilinghan bayanattimu, pirézidént baydinning natogha eza döletler bashliqlar yighinida jumhur reis erdoghan bilen körüshidighanliqi eskertildi.
