jumhur reis erdoghan bash katip kutérrés bilen téléfonlashti
jumhur reis rejep tayyip erdoghan birleshken döletler teshkilati (b d t) bash katipi antoniyo gutérrés bilen téléfonlashti.
türkiye awazi radiyosi xewiri: jumhur reislik mehkimisi uchur – alaqe ishliri idarisi bayanat élan qilip, jumhur reis erdoghan bilen bash katip gutérrésning özara téléfonliship, 24-féwraldin buyan dawamlishiwatqan rusiye-ukraina urushi sewebidin bash kötürgen ashliq krizisni hel qilish urunushliri toghrisida sözleshkenlikini uqturdi.
bayanatta körsitilishiche, jumhur reis erdoghan téléfon söhbitide, yer shari ashliq kirizisining aldini élishta halqiliq rol oynaydighan ukraina ashliqini qara déngiz arqiliq éksport qilish üchün ortaq tirishchanliq körsitishni dawamlashturuwatqanliqlirini bildürgen.
jumhur reis erdoghan yene bash katipqa özining söhbetdashlirigha tinchliq söhbetlirini eslige keltürüsh we urushni diplomatik yollar arqiliq axirlashturushning zörürlüki toghrisidiki köz qarashlirini yetküzüshni dawamlashturuwatqanliqi toghrisida melumat bergen.
