enqere norwégiye puqralirining kimlik kartisi bilen türkiyege kirelishidiki sewebke izahat berdi
türkiye jumhuriyiti tashqi ishlar ministirliqi, norwégiye puqralirining shexsiy uchurliri kirgüzülgen özeklik kimliki bilen türkiyege kirishining waqitliq küchke ige ikenlikini uqturdi.
türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi, bash elchi tanju bilgich, norwégiye puqralirining kimlik kartisi bilen türkiyege kireleydighanliqi toghrisidiki soalgha yazma shekilde jawab berdi.
norwégiye tashqi ishlar ministiri annikén xuytféldtning bu hepte ishqa ashurghan türkiye ziyariti jeryanida héchqandaq kélishim imzalanmighanliqini tekitligen bilgich, «norwégiye puqraliri dunyadiki özek kirizisi sewebidin pasportlirining mudditini uzartalmighanliqi, shundaqla bizning sayahet sahemizning teleplirini nezerde tutup, norwégiyeliklerning bu yil sayahet peslide dölitimizge kélishlirini kapaletlendürüsh üchün bu waqitliq tüzüm yolgha qoyuldi. bu waqitliq belgilimige asasen, norwégiye puqraliri alte yérim ay boyiche shexsiy uchurliri kirzülgen özeklik kimlik bilen türkiyede sayahet qilalaydu» dédi.
bilgich, belgilengen muddet axirlashqandin kéyin norwégiye puqralirining peqet pasportliri bilenla türkiyege kireleydighanliqini sözlirige ilawe qildi.
