ibrahim kalin gérmaniyede muhim mesililerni muzakirileshti
jumhur reislik bayanatchisi ibrahim kalin gérmaniye, amérika, engliye we firansiye wekillirining ishtirak qilishi bilen gérmaniyening paytexti bérlinda ötküzülgen yumilaq üstel yighinigha qatnashti.
türkiye awazi radiyosi xewiri: jumhur reislik bayanatchisi ibrahim kalin gérmaniye bash ministirliq mehkimiside ötküzülgen yighinda, tashqi ishlar we bixeterlik siyasiti meslihetchisi jéns pltnér, amérika dölet bixeterlik meslihetchisi jek sulliwan, engiliye dölet bixeterlik meslihetchisi stifén lawgrow we firansiye tashqi ishlar ministirliqi siyaset we bixeterlik ishliri bash dériktori filip éréra bilen bir yerge jem boldi.
yighinda, 29-iyundin 30-iyunghiche (2022) ispaniye paytexti madridta ötküzülidighan nato (shimaliy atlantik ehdi teshkilati) bashliqlar yighini we uning istratégiyelik nishani, shiwétsiye we finlandiyening ezaliq iltimasi, ukraina urushining yéngi weziyiti, qara déngizdiki ashliq tiransporti, ege déngizi we aqdéngiz mesilisi, shundaqla süriye, afghanistan hemde iran qatarliq rayonluq mesililer közdin kechürüldi.
ukraina urushining dunyawi tesiri dawamlishiwatqan bir peytte, ittipaqning özara hemkarliqini kücheytishining muhimliqi hemde térrorluqqa qarshi ayrimchiliq qilmastin éniq pozitsiye tutushning zörürlüki tekitlendi.
dunya yémeklik bixeterliki jehettin qara déngizdiki ashliq tiransportining muhimliqi we türkiyening bu jehettiki teshebbusliri hemmining diqqitini tartildi.
shiwétsiye we natogha eza bolush iltimasi mesiliside, térrorluq teshkilatlirigha qarita konkrét qedemler tashlanmay turup, héchqandaq ilgirilesh bolmaydighanliqi, türkiyening ege déngizi we aqdéngizdiki qanunluq heq – hoquqini hergiz muresse qilmaydighanliqi tekitlendi.
türkiyening rayonluq we yer shari xaraktérliq kirizislarda, diplomatik hel qilish charisi tépish üchün dawamliq tirishidighanliqi otturigha qoyuldi.
