iraqta p k k térrorchilirigha ejellik zebe bérildi
dölet bixeterlik orginining iraqning gara rayonida bölgünchi térrorluq teshkilati PKK/KCK gha qarshi élip barghan zerbe bérish herikiti dawamida 3 térrorchi bir terep qilindi.
türkiye awazi radiyosi xewiri: dölet xewpsizlik menbelirining bildürüshiche, dölet bixeterlik orginining iraqning gara rayonida bölgünchi térrorluq teshkilati PKK/KCK gha qarshi élip barghan zerbe bérish herikiti dawamida 3 térrorchi bir terep qilinghan.
dölet bixeterlik orginining yéqindin buyan iraq we süriyening shimalida qoyuq shekilde élip bériwatqan zerbe bérish heriketliride, térrorluq teshkilati PKK-HPG ning atalmish mahmur – kerkük – sulaymaniye ishliri mesuli «ehmed rubar» texellusluq mehmet erdoghannimu öz ichige alghan atalmish rehberliri bir terep qilinghan.
buningdin bashqa yene, aldinqi heptimu bölgünchi térrorluq teshkilati p k k/y p g ning suyiqestchisi süpitide her xil térrorluq paaliyetlirige qatnashqanliqi éniqlap chiqilghan «rojda» texellusluq dilbirin qacharmu, süriyede élip bérilghan herbiy heriket dawamida tutulup, türkiyege keltürülgen.