efes – 2022 herbiy manéwiri erdoghanning ishtirak qilishida bashlandi

türkiye awazi radiyosi xewiri: izmir wilayitining seferihisar nahiyesige jaylashqan doghanbey étishliq herbiy manéwir rayonida ötküzülgen «efes – 2022» herbiy manwwirining «tallanghan küzetküchiler küni»  paaliyetliri dawamlashmaqta.

dölet mudapie ministiri hulusi aqar, 10 din artuq döletning dölet mudapie ministirliri we bash ishtab bashliqliridin sirt yene, türkiye armiyesi qomandanliri közitiwatqan herbiy manéwirning etigenlik paaliyetliri, nishangha del tegküzüsh maharetlirining körsitilishi bilen tamamlandi.

«efes – 2022» herbiy manéwirining «tallanghan küzetküchiler küni»  paaliyetlirining ikkinchi qismi bolsa, jumhur reis rejep tayyip erdoghanning  manéwir sahesige kélishidin kéyin bashlandi.

üstide «jumhur reislik mehkimisi giribi» qadalghan kök renglik chapan kiygen we «efes 2022» dégen xet yézilghan shilepe kiygen erdoghan, manéwirni közitiwatqan méhman dölet mudapie ministirliri we bash ishtab bashliqliri bilen qisqighine söhbetleshti.

quruqluq armiye qomandani général musa awsewerning manéwirheqqide melumat bérishidin kéyin, manéwirdairiside türkiye qoralliq qisimlirining maharet körsitishliri bashlandi.

 «efes – 2022» herbiy manéwigha, dölet mudapie ministirliqi, bash ishtab bashqarmisi, quruqluq, déngiz we hawa armiyeliri, qoralliq saqchi qisim qomandanliq ishtabi, déngiz sahili bixeterlik qomandanliq ishtabi, puqrawi ammiwi organlar we teshkilatlar, amérika qoshma ishtatliri, gérmaniye, albaniye, awstiraliye, ezerbeyjan, behreyn, bangladish, bosniye – gértségowina, burkina faso, chéxiye, éfiyopiye, firansiye, gambiye, giruziye, iraq, engliye, italiye, kaméron, qatar, qazaqistan, qirghizistan, jenubiy koréye, kosowu, kuweyt, shimaliy makédoniye, latwiye, litwaniye, wéngiriye, malayshiya, mongghuliye, nigériye, özbékistan, pakistan, riwanda, slowakiye, somali we iyordaniyedin wezipige teyinlengen qisimlar we etretler bilen birlikte 1100 i chet ellik  bolup, texminen 11 ming xadim qatnashmaqta.

birleshme we ortaq herbiy maniwérda ishtirakchi dölet qisimliri bilen birlikte teshkil qilinghan ortaq qarargah we qisimlarning herbiy imkaniyetliri hemde iqtidarliri, tapshurulghan wezipilerning hemmisini öz ichige alidighan shekilde tereqqiy qildurulushi, urushqa teyyarliq sewiyesini dawamlashturush nishan qilinghan herbiy manéwirda, b d t tinchliqni qollash herikitining omumiy sénariyesidin paydilinilmaqta.

«efes – 2022»herbiy manéwirining kéchilik heriketliri tünügün (2022-yili 8-iyun) élip bérilghanidi.