chawushoghlu girétsiyeni agahlandurdi
dölitimiz (türkiye jumhuriyiti) tashqi ishlar ministiri mewlüt chawushoghlu, girétsiye ege déngizidiki arallarni qorallandurushtin waz kechmigen teqdirde, igilik hoquqi munazirisining bashlinidighanliqini éytip agahlandurdi.
türkiye awazi radiyosi xewiri: mewlüt chawushoghlu, pelestin we israiliye ziyaritidin qaytiwétip, ayropilandiki muxbirlarning soallirigha jawab berdi؛ u, girétsiyening 1923-yilidiki lozan we 1947-yilidiki parizh tinchliq kélishimi dairiside shertlik halda bérilgen arallarning salahiyitini buzushqa urunushining xelqara qanungha xilap ikenlikini tekitlidi.
shundaq bolushigha qarimay, gheyriy eskiriy salahiyetlik bu arallarni 1960-yildin bashlap qorallandurghanliqini bildürgen ministir chawushoghlu, bundaq qilishtin waz kéchilmigen teqdirde, igilik hoquqi munazirisining bashlinidighanliqini otturigha qoyup: «biz (bu mesilide) intayin estayidilmiz, heywe qilmaywatimiz. eger girétsiye buninggha emel qilmisa, biz bu mesilini téximu ilgiri nuqtigha élip chiqimiz. girétsiyening qedemliri türkiyege tehdit sélishni meqset qilidu» dégenlerni qeyt qildi.