aqar: shéhitlirimizning qanliri yerde qalmidi
dölet mudapie ministiri hulusi aqar «penje – qulup» herbiy herikiti dawamida bir terep qilinghan térrorchilar sanining 100 din ashqanliqini, shéhitlarning qanlirining yerde qalmighanliqini éytti.
türkiye awazi radiyosi xewiri: ministir aqar, chégra liniyeside xizmetlerni közdin kechürgende bergen bayanatida, türkiye armiyesining iraqning shimalida dawamlashturuwatqan «penje – qulup» herbiy herikiti dairiside bir ghardikiliri bilen birlikte bir terep qilinghan térrorchilar sanining 100 din ashqanliqini tekitlep mundaq dédi: «qehriman alahide etretlirimiz bir guruppa térrorchini gharda qorshaw astigha aldi. térrorchilar etretlirimizning <teslim bolunglar> chaqiriqigha oq chiqirish arqiliq jawab qayturushi netijiside, etretlirimiz ghargha bésip kirdi. ghardikiliri bilen birlikte ‹penje – qulup› herbiy herikiti dawamida bir terep qilinghan térrorchilarning sani 100 din ashti. shéhitlirimizning qanlirini, yéqin – yoruqlirining köz yashlirini yerde qaldurmiduq, buningdin kéyinmu shundaq qilimiz.»
tünügün, «penje – qulup» herbiy herikiti dawamida 5 esker shéhit bolghanidi.
