aliy meslihet orgini jumhur reis erdoghanning riyasetchilikide yighin chaqirdi

türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi dériktori fahrettin altun, jumhur reislik mehkimisi binasidiki texminen 3 saet dawamlashqan yighin heqqide yazma bayanat élan qilip, yighin ishtirakchilirining türkiyening köchmenlerni bashqurush siyasiti we her xil salahiyetler bilen türkiyede turuwatqan chet elliklerge munasiwetlik mesililerni muzakire qilghanliqini uqturdi.

jumhur reis erdoghan yighinda, türkiyening ötmüshtikige oxshashla hazirmu öz chégrasigha kélip her xil usullar bilen zéminlirida panahlanghan herqandaq bir zulumgha,yaki ziyankeshlikke uchrighuchidin yüz örimigenlikini otturigha qoydi.

türkiye bixeterlikini kapaletke ige qilghan süriyening shimalidiki rayonlargha qaytqanlar sanining 500 mingdin éship ketkenlikini bildürgen jumhur reis erdoghan, bu rayonlardiki xelqaraning meblighi bilen berpa qilinidighan yéngi olturaq jaylirining qed kötürüshi bilen téximu köp süriyelikning öyige qaytip kétishige kapaletlik qilinidighanliqini eskertti.

jumhur reis erdoghanning yighinda yene «bizning étiqadimiz, medeniyitimiz we qimmet qarashlirimizda orni bolmighan yatlarni yaman körüshke dölitimizning qetiy yol qoymaydighanliqi»ni éytqanliqi qeyt qilindi.