erdoghan girétsiye bash ministiri michotaksqa qattiq naraziliq bildürdi
jumhur reis rejep tayyip erdoghan girétsiye bash ministiri kiriyakos michotaksqa qattiq naraziliq bildürüp: «emdi men üchün éytqanda, michotaks dep bir adem yoq» dédi.
türkiye awazi radiyosi xewiri: rejep tayyip erdoghan kabént yighinini axirlashturghandin kéyin, muhim bayanatlarni élan qildi.
u: «fethullahchi térrorluq teshkilati ezalirining yawropagha baridighan yoli girétsiye emesmu? hazir girétsiyede texminen 10 amérika bazisi bar. bu bazilar némishqa girétsiyede quruldi? yawropa döletlirige 400 milyard yawro qerzdar bolghan bir girétsiye bar. biz ular bilen körüshtuq (martta istanbulda). yighinda, biz üchinchi döletni arimizgha ekirmeslikke qoshulduq» dédi.
u girétsiye bash ministirining ötken hepte amérikani ziyaret qilghanliqini xatirilitip: «amérika kéngesh palatasida türkiyege qarshi néme qilish kérek bolsa shuni qildi. türkiyege <F-16 ayropilani bermenglar> dep amérikagha teklip berdi» dédi.
u: «amérika F-16 ayropilanliri mesiliside michotaksning aghzigha qarap qarar qilmaydu. girétsiye bilen istratégiyelik kéngesh yighini ötküzettuq, emdi men üchün éytqanda, michotaks deydighan bir adem yoq. bu ehwalda uning bilen hergiz körüshmeymen. qalghinini özi oylisun» dédi.
