chawushoghlu pelestin ziyaritini bashlidi
dölitimiz (türkiye jumhuriyiti) tashqi ishlar ministiri mewlüt chawushoghlu dölet ishliri ziyaritide bolush üchün pelestinning ramallah shehirige yétip bardi.
türkiye awazi radiyosi xewiri: ministir mewlüt chawushoghlu olturghan ayropilan israiliye paytexti tél awiwdiki bén guriyon ayrodromigha qondi. u yerde chawushoghlu israiliyelik emeldarlar teripidin qarshi élindi.
pelestin ziyaritining bir qismi süpitide tél awiwdin ramallah terepke ötken ministir mewlüt chawushoghluning birinchi békiti pelestin tashqi ishlar ministirliqi boldi؛ u yerde pelestin tashqi ishlar ministiri riyad elmaliki teripidin kütüwélinghan chawushoghlu, türkiye – pelestin ortaq komitétining ikkinchi nöwetlik yighinigha ishtirak qilidu.
maliki bilen ayrim uchrishish ötküzidighan chawushoghluning, arqidin türkiye uniwérsitétlirini pütküzgen pelestinlikler bilen körüshidighanliqi, uningdin kéyin pelestin dölet reisi mehmud abbas teripidin qobul qilinidighanliqi bildürüldi.
uning ete israiliyege qaytip kélip, mensepdishi yayir lapid bilen ayrim we wekiller ara söhbet ötküzüp, rayon we dunyawi mesililer shundaqla ikki dölet munasiwetliri toghrisida pikir almashturushi pilanlanmaqta.
