erdoghan: enehyangha allah taaladin rehmet tileymen
jumhur reis rejep tayyip erdoghan bu dunya bilen menggülük widalashqan ereb birleshme xelipiliki dölet bashliqi sheyx xelife bin zayid ennehyangha allah taaladin rehmet tilidi.
türkiye awazi radiyosi xewiri: jumhur reis erdoghan, istanbulda axbarat wasitilirining küntertipke munasiwetlik soallirigha jawab bergende, ereb birleshme xelipiliki dölet bashliqi sheyx xelife bin zayid ennehyanning wapati toghruluq toxtilip mundaq dédi: «ereb birleshme xelipiliki rehbiri ennehyanning uzundin buyan salametliki yaxshi emes idi. bügün allahning dergahigha seper qildi. allah rehmet qilghay.»
ereb birleshme xelipiliki resmiy agéntliqi (WAM), xelipilik ishliri ministirliqini menbe körsitip qilghan xewiride, 74 yashliq ehnnahyanning wapat bolghanliqini uqturghanidi.
ministirliq teripidin élan qilinghan yazma bayanatta, ereb birleshme xelipilikide bügündin étibaren 40 künlük matem élan qilinghanliqi we bayraqlarning yérim chüshürülidighanliqi, herqaysi ministirliqlarda, dölet orunlirida we xususiy sahelerde uda 3 kün paaliyetlerning toxtitilidighanliqi bildürüldi.
ereb birleshme xelipilikining tunji dölet bashliqi zayid bin sultan ennehyanning chong oghli bolghan xelipe bin zayid, dadisining 2004 – yili wapatidin kéyin wezipige olturghanidi.
