sobaji: biz islam we chet elliklerge öchmenlik qilishqa qarshi turush éngini ashurushqa töhpe qoshimiz

türkiye awazi radiyosi xewiri: tonushturushta «TRT Français» ning wezipisi we istiratégiyesini ishtirakchilar bilen ortaqlashqan  türkiye radiyo – téléwiziye bash idarisi (TRT) bash mudiri mehmet zahid sobaji, «‹TRT Français › t r t firansuzchening eng asasliq wezipiliridin birining, firansuz tilida sözlishidighan döletlerning siyasiy, iqtisadiy, ijtimaiy we medeniyet mesililirini otturigha qoyush, hemde afriqa qitesidiki küntertiplirini, t r t ning insanni merkez qilidighan xewerchilik éngigha asasen  köpchilikning diqqitige sunushtur. dunya miqyasidiki 300 milyondin artuq kishi sözlishidighan bu tildiki xewerchilik, köp xilliq we chongqurluq pirinsipliri dairiside insanlargha yéngi pikirler we ishiklerni échish, dégen uqumni bildüridu. weqelerning peqet bügüninila emes, ötmüshni we kelgüsinimu körsitip ötüsh özgichilik we angning shekillinishige muhim töhpe qoshidu.»

«TRT Français» ning dunyaning herqaysi jaylirida téz sürette ewj élip kétiwatqan islam we chet elliklerge öchmenlik qilishqa qarshi  küresh qilishni nishan qilidighanliqini eskertken sobaji,  mundaq dep körsetti: «buningdin bashqa yene, ‹TRT Français › ning xelqaraliq tarqitish torimizgha daxil bolushi bilen birlikte, bolupmu yawropani öz ichige alghan dunyaning herqaysi jaylirida barghanséri ewj élip kétiwatqan islam we chet elliklerge öchmenlik qilishqa qarshi turush éngini ashurushqa töhpe qoshimiz. xelqara jemiyetning türkiyening yershariwi insanperwerlik siyasetliri we xizmetlirini chüshinishini qolgha keltürüshte muhim rol oynaymiz. medeniyet - senet, tenterbiye we tarix saheliridiki mislisiz bayliqlirimizni téximu köp kishilerge yetküzimiz. bizning bundaq qilishtiki meqsitimiz, ishlepchiqirishni teshwiq qilish, özara chüshinishke zémin hazirlash we medeniyetning köp xilliqigha wasite bolush üchündur.»