hulusi akar qazaqistan dölet mudapie ministiri bilen körüshti

türkiye awazi radiyosi xewiri: qazaqistan pirézidénti qasim jömert toqayéwning ziyaret dairiside, türkiyege yétip kelgen ruslan jaqsilkow, paytext enqerede dölet mudapie ministirliqida herbiy murasim bilen kütüwwlindi.

hulusi akar bilen ruslan jaqsilkowning körüshüshide, ikki dölet we rayonluq mudapie mesililiri, hemde xewpsizlik mesililiri boyiche özara pikir almashturulghanliqi qeyt qilindi.

hulusi akar körüshüshte, türkiye bilen qazaqistan otturisidiki ortaq tarixiy qimmetlerni alahide tilgha aldi.

u 2019-yili ikki dölet otturisida imzalanghan istratégiyelik shériklik kélishimining özara munasiwetlerge muhim yönilishlerni belgiligenlikini bildürüp, herbiy telim-terbiye hemkarliqi we mudapie sanaiti mesililiridiki mewjut munasiwetlerning kücheygen halda dawamlishishining ehmiyitini tekitlidi.