erdoghan awstriye bash ministiri bilen körüshidu
jumhur reis rejep tayyip erdoghan ispaniyening paytexti madridta chaqirilidighan shimaliy atlantik ehdi teshkilati rehberliri bashliqlar yighini dairiside awstriye bash ministiri karl néhammér bilen körüshidu.
türkiye awazi radiyosi xewiri: awstriye bash ministirliq mehkimisi teripidin awstriye xewer agéntliqi (apa) gha bérilgen yazma bayanatta bildürülüshiche, awstriye bash ministiri karl néhammér, iyun éyining axirliri ispaniyening paytexti madridta chaqirilidighan we yawropa ittipaqining natogha eza bolmighan döletlirimu teklip qilinghan shimaliy atlantik ehdi teshkilati bashliqlar yighini dairiside, türkiye jumhuriyiti jumhur reisi rejep tayyip erdoghan bilen körüshidiken.
bayanatta tekitlinishiche, aldinqi heptilerde ikki rehber otturisida ishqa ashurulghan téléfon söhbetliride, rusiye – ukraina urushidin sirt yene, türkiye – awstriye munasiwetliri heqqide muzakire élip bérilghan bolup, ikki dölet munasiwetliri ijabiy yönilishte tereqqiy qilmaqta iken.
awstriye taratqulirining bu heqtiki xewerliride, bash ministir néhammérning munu sözliri mundaq neqil keltürülgen: «ukraina pirézidénti wladimir zéléniski bilen élip barghan köp qétimliq körüshüshüm, rusiye pirézidénti wiladimir putin bilen bolghan uchrishishim we türkiye jumhuriyiti jumhur reisi rejep tayyip erdoghan bilen ishqa ashurulghan téléfon söhbetlirim netijiside, <istanbul basquchi> ning, yawropada tinchliq üchün eng yaxshi purset süpitide dawamlishiwatqanliqigha ishinimen.»
ikki dölet otturisidiki munasiwetlerde, yéqinqi mezgilde türlük sewiyelerde ishqa ashurulghan uchrishishlar netijiside közge körünerlik ilgirileshler körülgenidi.
awstriye tashqi ishlar ministiri aléksandér shallénbérgning «antalya diplomatiye munbiri» yighinigha qatnishishi we néhammérning 12-aprél rusiye ziyaritining aldi-keynide türkiye jumhuriyiti jumhur reisi rejep tayyip erdoghan bilen élip barghan téléfon söhbetliri, ikki dölet munasiwetlirining ijabiy yönilishte tereqqiy qilishida türtkilik rol oynighanidi.
