«milliy iradini nishan qilghan heriketlerge hergiz yol qoymiduq»
jumhur reis rejep tayyip erdoghan türkiyening milliy iradisige xiris hem nishan qilghan heriketlerge hergiz yol qoymighanliqlirini éytti.
türkiye awazi radiyosi xewiri: jumhur reis erdoghan, istanbulda ammiwi teshkilatlarning wekilliri bilen iptar ziyapitide bir yerge jem boldi, hemde bu yerde qilghan sözide, mundaq dédi: «türkiyening milliy iradisige xiris hem nishan qilghan heriketlerge hergiz yol qoymiduq.»
2013 – yilidiki gezi baghchisi weqesi bilen chétishliqi barliqi bilen eyiblinip sotliniwatqan kawala heqqide toxtalghan jumhur reis erdoghan, «bir adem toghrisida höküm chiqirilghan eng yéngi qarar, bezi küchlerni biaram qildi. bu kishi (kawala) türkiyening (ochuq jemiyet fondining qurghuchisi jorj) sorosi idi. derweqe, u gezi baghchisi weqesining perde arqisidiki maslashturghuchisi idi. biterep sot mehkimilirimizning herbiy – siyasiy özgirishke teshebbus qilghuchilarni jazagha tartishi démokratiyemizning muweppeqiyitidur. buning üchün sot mehkimilirimizge rehmet éytimen» dédi.
jumhur reis erdoghan, iraqning shimalida dawamlishiwatqan «penje – qulup» herbiy herikiti dawamida 5 türkiye eskirining shéhit bolghanliqini, 60 térrorchining bir terep qilinghanliqinimu sözlirige ilawe qildi.
