chawushoghlu kolombiyede
tashqi ishlar ministiri mewlüt chawushoghlu kolombiyede dölet ishliri ziyaritide boldi.
türkiye awazi radiyosi xewiri: chawushoghlu, dölet ishliri ziyaritide bolghan kolombiyening paytexti bogotada, maarip fondi jemiyitining wakaletxana binasining échilish murasimida söz qildi.
her ikki döletning dölet marshlirining oqulushi bilen bashlanghan murasimda méhmanlargha xitab qilghan chawushoghlu, kolombiyening özining latin amérika ziyariti dairiside ziyaret qilghan 6 - dölet ikenlikini, sahibxan dölet kolombiye tashqi ishlar ministiri marta luka bilen muhim uchrishishlarni élip barghanliqlirini eskertish bilen bir waqitta, kolumbiye pirézidénti iwan dukning riyasetchilikide alaqidar ministirlar bilen ikki tereplik we rayonluq mesililerni muzakire qilghanliqlirini tekitlep mundaq dédi: «pirézidént iwan dukning méni kütüwalghanliqigha uning huzurida yene bir qétim rehmet éytimen. kolumbiye latin amérikagha qarita ishikni échiwétishimizde muhim merkez hésablinidu.»
maarip fondi jemiyitining 67 dölette oxshimighan sewiyelerde paaliyetlerni élip bériwatqanliqini eskertken mewlüt chawushoghlu, mundaq dep körsetti: «maarip fondi jemiyitimiz, bügünki künde dunya boyiche eng chong 5 – maarip orginigha aylandi. silergimu ayan bolghinidek, diplomatik tor we wakaletxana sani jehettin türkiye bolush süpitimiz bilen dunya boyiche 5 – orunda turimiz. derweqe, maarip fondi jemiyiti, türkiyening xelqaraliq maarip sahesidiki markisi we iptixar menbesi boldi.»
chawushoghlu, maarip fondi jemiyitining hazirdin bashlapla kolombiyede muhim paaliyetlerni élip bériwatqanliqini tekitlep mundaq dédi: «maarip fondi jemiyiti kolumbiyening aldinqi qatardiki uniwérsitétliridin biri bolghan Nacional we Externado bilen hemkarlishishqa bashlidi.»
