«balilarning quliqida tengtüshlirining xushxuy awazi yangrishi kérek»

türkiye awazi radiyosi xewiri: jumhur reis erdoghan, istanbuldiki bashaqshehir xelq baghichisida ötküzülgen «23 – aprél türkiye radiyo – téléwiziye orgini (TRT)  «balilar bayrimi» pirogrammisida qilghan sözide, mundaq dédi: «balilar – ösmürler qorqunchning penjisi astida emes, xatirjemlik baghrida uxlishi kérek. 23 – aprél künining balilargha bayram süpitide sogha qilinishining sewebimu del mushu idi. dunyani balilargha bergen künimiz, ularning téximu wijdanliq we téximu söyümlük bolidighanliqini körimiz.»

türkiyening jenubida on minglarche balilar hayatidin ayriliwatqan, yüz minglarche balilar yétim qéliwatqan, on minglarche balilar yawropa qatarliq dunyaning herqaysi jaylirida yoqap kétiwatqan insaniy tiragédiyening dawamlishiwatqanliqini eskertken jumhur reis erdoghan, mundaq dep körsetti: «shimal teripimizde ikkinchi ayni tamamlighan urushning échinishliq aqiwetlerni keltürüp chiqiriwatqanliqini qattiq endishe ichide közitiwatiiz. bundaq waqitlarda, biz balilarning qelbliridiki sap muhebbetke, ularning kündilik hayatlirimizni güzelleshtüridighan tebessumlirigha, xushalliqigha we huzur élip kélishige téximu köp mohtaj ikenlikimizge ishinimen. bizning urushlarni axirlashturush, krizislarni tügitish, bixeterlik we tinchliq muhitining dairisini kéngeytish tirishchanliqimizning eng muhim heriketlendürgüch küchi balilardur. derweqe, balilarning quliqida bomba awazi emes, belki tengtüshlirining xushxuy awazi yangrishi kérek.  balilarning yüriki teshwish bilen emes, belki söygü - muhebbet, joshqun keypiyat we ümid bilen soqushi kérek. balilar qorqunchning penjisi astida emes, xatirjemlik baghrida uxlishi kérek. enqerede büyük millet mejlisimizning échilishimu, milliy kürishimizning eng halqiliq nuqtisi bolghan 23 – aprél künining balilargha bayram süpitide sogha qilinishining sewebimu del mushudur. shundaqla, dölitimizdin panahliq tiligen her bir ademni, bolupmu balilarni jan tikip qoghdishimiz, hémaye qilishimizning sewebimu del mushudur.»