erdoghan «ayasofya fatih medrisesi» ni ishqa kirishtürdi
jumhur reis rejep tayyip erdoghan bügün istanbulda «ayasofya fatih medrisesi» ni ishqa kirishtürdi.
türkiye awazi radiyosi xewiri: jumhur reis erdoghan medeniyet we sayahet ministirliqi fondi jemiyetler bash idarisi teripidin yéngidin rémont qilinghan «ayasofya fatih medrisesi» ni ishqa kirishtürdi, hemde bu yerde qilghan sözide, aldinqi hepte istanbulning simwolliridin biri bolghan «büyük chamlija jamesi kulliyyesi» de «islam medeniyetliri muzéyi» ning échilishini xizmetke kirishtürgenliklirini eskertip mundaq dédi: «mislisiz ötmüshimizni bügünimizge we kelgüsige yetküzüsh we uni xelqimiz bilen bir gewdileshtürüsh üchün intayin muhim bir qedem tashliduq. bügün <ayasofya fatih medrisesi> ni ishqa kirishtürüsh arqiliq istanbul shehirimizge yene bir muhim yadikarliqni xizmetke sunduq.»
«ayasofya fatih medrisesi» ning 1453 – yili istanbulning pethi qilinishidin kéyinla, «ayasofya jamesi» ge tutash halda sheherning tunji medrisesi süpitide xizmetke kirishtürülgenlikini eskertken jumhur reis erdoghan, bu medrisening oxshimighan dewrlerdiki rémont, yéngilash we seplimiler arqiliq 1924 - yilghiche maarip xizmitini dawamlashturghanliqini, istanbulni pethi qilghan fatih sultan mehmet xanning mirasi bolghan we esirler boyi bilim we ilim – irpan merkizi süpitide xizmet qilghan bu tarixiy medrise arqiliq her bir mirasning kéyinki ewladlargha hawale qilinghan bir amanet ikenlikini tekitlep mundaq dédi: «xudayim buyrusa, bu medrisemizde etining ölimaliri, ziyaliyliri, alimliri we tetqiqatchiliri yétiship chiqidu. bu mislisiz yadikarliqning 13 aydek qisqa waqit ichide dölitimizge teqdim qilinishigha töhpe qoshqan barliq shexslerni chin dilimdin tebrikleymen.»
مۇناسىۋەتلىك خەۋەرلەر
türkiyening awiyatsiye sahesi mulazimitide rékort yaritildi
aprél éyida türkiye miqyasidiki ayrodurumlarda 18 milyongha yéqin yoluchi toshuldi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.