erdoghan eskerler bilen birlikte iptar qildi
jumhur reis rejep tayyip erdoghan haqqari wilayitining yüksekowa nahiyesidiki 3 - piyade eskerler déwiziyesi qomandanliq ishtabida wezipe ötewatqan eskerler bilen birlikte iptar qildi.
türkiye awazi radiyosi xewiri: jumhur reis erdoghan, térrorizmgha qarshi küresh herbiy heriketliride nahayiti zor muweppeqiyetlerni qolgha keltürgen haqqari wilayitining yüksekowa nahiyesidiki 3-piyade eskerler déwiziyesi qomandanliq ishtabida wezipe ötewatqan eskerler bilen birlikte iptar qildi.
ashxanining kirish éghizida eskerlerge salam bergen jumhur reis erdoghan, sham namizi ezinidin kéyin, hemrahliqidiki dölet mudapie ministiri xulusi aqar we türkiye armiyesining herqaysi derijilik qomandanliri bilen birlikte karwanda iptar qildi.
erdoghan, ammiwi ortaqlishish tor béti Twitter sehipiside, bu heqte élan qilghan bayanatida, mundaq dédi: «bügün kechte haqqari wilayitining yüksekowa nahiyesidiki 3 - piyade eskerler déwiziyesi qomandanliq ishtabida wezipe ötewatqan qimmetlik herbiy xadimlar bilen birlikte iptar qilduq. rebbim her bir eskirimizdin razi bolsun, her birini öz panahida saqlisun, her bir herikitide zeper ata qilsun!»
