erdoghan özbékistanda ziyarette bolmaqta
özbékistan pirézidénti shewket mirziyayéwning resmiy teklipige binaen özbékistangha barghan jumhur reis rejep tayyip erdoghanni tashkent xelqara ayrodurumida mirziyayéw we repiqisi kütüwaldi.
![erdoghan özbékistanda ziyarette bolmaqta](http://cdn.trt.net.tr/images/xlarge/rectangle/5cf5/8f90/2e3e/6243124aa287a.jpg?time=1718610866)
türkiye awazi radiyosi xewiri: jumhur reis erdoghan aldi bilen yéngi özbékistan baghchisidiki musteqilliq xatire munarigha gülchembirek qoydi, arqidin mirziyayéw teripidin kök sarayda resmiy murasim ötküzülüp qarshi élindi.
jumhur reis erdoghan bilen özbékistan pirézidénti mirziyayéw murasimdiki orunlirini alghandin kéyin, her ikki döletning musteqilliq marshliri oquldi.
murasimgha eskerlerge salam bergen erdoghan bilen mirziyayéw bir – birlirige heyitidikilerni tonushturghandin kéyin ayrim uchrishish ötküzdi.
jumhur reis rejep tayyip erdoghanning ziyariti dairiside türkiye bilen özbékistan otturisidiki yuqiri derijilik sitratégiyelik hemkarliq kéngishining ikkinchi nöwetlik yighini ötküzülüp, istratégiyelik shérik derijilik türkiye – özbékistan munasiwetliri bashtin axir közdin kechürülidu, munasiwetlerning téximu chongqurlashturulushi üchün tashlashqa bolidighan qedemler muzakire qilinidu.