bügün 1915 chanaqqele köwrükide qatnash bashlinidu

türkiye awazi radiyosi xewiri: bügün 1915chanaqqele köwrükide 18-mart chanaqqele déngiz zepirining 107-yilliqida, türkiye jumhur reisi rejep tayyip erdoghanning ishtirakida qatnash bashlash murasimi ötküzülidu.

uzunluqi 4 ming 608 métir kélidighan 1915 chanaqqele köwrüki bilen, asiya we yawropa qiteliri arisidiki ötüsh waqti alte minutqa chüshidu.

 chanaqqele wilayitining lapseki we gelibolu nahiyeliri arisigha jaylashqan köwrükning kabilida yer sharining etrapini töt qétim aylinishqa yétidighan 162 ming kilométir kélidighan polat arqan ishlitildi.

köwrükning 2 ming 23 métirliq ottura qismi jumhuriyetning 100-yilliqigha, 318 métirliq polat munarliri chanaqqele déngiz zepiri qolgha kelgen 1915-yili 18-martqa simwol qilinidu.

qizil we aq renglik 334 métir uzunluqtiki munarlar türkiye bayriqigha simwol qilinidu. bu munarlar köwrükni «dunyadiki eng égiz munarliq asma köwrüki» unwanigha ige qilidu.

jumhur reis rejep tayyip erdoghan 1915 chanaqqele köwrükining échilish murasimidin ilgiri shéhitler xatire sariyida ötküzülidighan «18-mart shéhitlirini xatirilesh küni we chanaqqele zepirining 107-yilliqini xatirilesh murasimi» gha qatnishidu.