chawushoghlu bir qatar téléfon diplomatiyesi qildi
türkiye tashqi ishlar ministiri mewlüt chawushoghlu téléfonda rusiye tashqi ishlar ministiri sérgéy lawrow we ukraina tashqi ishlar ministiri dmitro kuléba bilen ayrim-ayrim körüshti.
türkiye awazi radiyosi xewiri: türkiye tashqi ishlar ministirliqi mewlüt chawushoghluning rusiye tashqi ishlar ministiri sérgéy lawrow we ukraina tashqi ishlar ministiri dmitro kuléba bilen ayrim-ayrim körüshüp, bir qatar téléfon diplomatiyesi qilghanliqi toghrisida bayanat élan qildi.
bayanatta, mewlüt chawushoghluning rusiye tashqi ishlar ministiri lawrow bilen körüshkende, dawamlishiwatqan ukraina kirizisini axirlashturush mesilisining muzakire qilinghanliqi, türkiye jumhur reisi rejep tayyip erdoghanning tünügün (2022-yili 6-mart) rusiye pirézidénti wladimir putin bilen muzakire qilghan mesililerning emelge ashurulushini muhakime qilghanliqi qeyt qilindi.
bayanatta yene, mewlüt chawushoghlu ukraina tashqi ishlar ministiri kuléba bilen körüshkende, ukrainaning nöwettiki weziyitini muzakire qilghanliqi eskertildi.